Адрас: 211800, Віцебская вобл., г. Глыбокае, вул. Энгельса, 24
Тэлефон: +375 2156 23370, +375 2156 23828 (факс)
Афіцыйны сайт: glubmusej.by
Электронны адрас: glubmusej@tut.by



30 снежня 1997 г. ў будынку гарсавета (помнік архітэктуры першай паловы XX ст.) гасцінна адчыніў свае дзверы для наведвальнікаў Глыбоцкі гісторыка-этнаграфічны музей. Экспазіцыя музея складаецца з 7 залаў і знаёміць з гістарычнай спадчынай раёна. Пры афармленні многіх залаў музея ўжыты інтэр'ерны паказ: яўрэйская лаўка, вясковая хата, кузня, пакой заможнага местачкоўца і інш. Штогод музей прымае звыш 30 тысяч наведвальнікаў. На 01.01.2012 г. у музеі захоўваліся 10655 адзінак асноўнага фонду. Найбольшую каштоўнасць прадстаўляе сёння калекцыя жывапісных работ мастака Язэпа Драздовіча. Супрацоўнікамі музея распрацаваны комплекс музейных экскурсій па гістарычных мясцінах горада і раёна: "Манастырскі панадворак" (наведванне касцёла Беззаганнага Зачацця Найсвяцейшай Дзевы Марыі і кляштара ордэна францысканцаў у в. Удзела), "Сцежкамі Мосарскай гісторыі" (наведванне культурна-дэндралагічнага комплексу в. Мосар), 'Таямніцы кармеліцкага кляштара" (наведванне царквы Раства Багародзіцы ў Глыбокім) і інш. Апошняя распрацоўка супрацоўнікаў музея - гісторыка-краязнаўчае падарожжа «Па дарозе да дзядзькі Ігната». Падарожжа ўключае наведванне некалькіх гістарычных аб'ектаў па дарозе з Глыбокага да в. Празарокі (радзіма Ігната Буйніцкага).

У 2005 г. створаны філіял музея - культурна-дэндралагічны комплекс у в. Мосар. Вядомасць мястэчку прыйшла дзякуючы ксяндзу Юзасу і працалюбівым парафіянам. На тэрыторыі комплексу створаны жывапісныя алеі, скульптурныя кампазіцыі рэлігійнай тэматыкі, малыя архітэктурныя формы, дагледжаныя кветнікі, альтанкі, штучныя вадаёмы і інш. Дзейнічае этнаграфічны музей, экспазіцыя якога адлюстроўвае гісторыю Мосара, яго прыродныя і культурныя асаблівасці.

Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.

Дадатковыя крыніцы аб музеі:

Глыбоцкі гісторыка-этнаграфічны музей. Ekskursii.by

Каляндар мерапрыемстваў


« Ліпень 2017 »
ПндАўтСерЧцвПятСубНядз
12
3456789
10111213141516
17181920212223
24252627282930
31

Афiша мерапрыемстваў




®